शिक्षक

Ideal teachers quality : सृष्टीची निर्मिती झाल्यापासून संबंध मानवजातीत माणूसपण आणण्यासाठी , ज्ञान देऊन प्रगल्भ करण्यासाठी गुरु, शिक्षक हि संस्था ज्ञानदान करत आलेली होती .त्यासाठी आवश्यक अभ्यास ,चिंतन करून इतरांना ज्ञान देण्यासाठी कष्ट करण्याची समर्पित वृत्ती असणारे ते एक चालते बोलते विद्यापीठ होते. बोले तैसा चाले याचा एक आदर्श वस्तुपाठ होते. मानवाच्या प्रगतीसाठी संशोधन करून विविध शास्त्रांचा विकास व्हावा हा निर्मळ हेतू त्यामागे होता. नैतिक मुल्यांची जपणूक तर त्यांच्या जगण्याचे मुलभूत अधिष्ठान होते. त्यामुळे समाजातील नैतिक व सांस्कृतिक वातावरनाचे नेतृत्व शिक्षकांकडे होते. थोडक्यात काय तर त्यागी वृत्तीचा शिक्षक, प्राध्यापक हा सृजनशील समाज निर्मितीचा पाया होता.